As ponencias do Congreso Nacional reciben 2.124 emendas

- As ponencias do XVI Congreso nacional do PP recibiron un total de 2.124 emendas ao peche do rexistro que se produxo ás 24 horas do luns 26 de maio. Esta cifra representa un índice de participación histórico de entre os 3.500 compromisarios.

- A ponencia política foi a que máis emendas recibiu ata alcanzar o número de 1.162, mentres que á de Estatutos se presentaron 561 emendas e 401 a económica.

- Pechado o rexistro de emendas, queda aberto ata o próximo doce de xuño o prazo de negociación das mesmas por parte dos relaores e os emendantes. Ese día vence o prazo para certificar o texto definitivo que irá ao Congreso.

- As emendas poderán ser admitidas polos relatores na súa integridade ou ben negociadas ou retiradas, nos casos, por exemplo, de que xa se vexan recollidas noutras. Así as cousas, as emendas que non sexan admitidas irán ao Congreso para o seu debate en Comisión ou no seu caso –se non son aprobadas en comisión pero obteñen máis do 30 por cento dos votos– no plenario do Congreso.